زهيرية وحق من انزل الصورة والكتاب

وحك من انزل الصورة والكتاب
وكلبي لا تظن عنك ولكتاب
عماني اهواك لا اقره ولكتب
وخلاني سنيح اعله الوطيه
******************
عكلي انشل يمحبوبي ورايه
انا شما التفت عاذل ورايه
انت للعشك بيرغ ورايه
عليمن تبخل بنظرة عليه
******************
فرح ما شفت كل العمر بسهام
ولاجف الدمع بالعين بسهام
دليلي انصاب من هالوكت بسهام
دبسك يا دهر شنهي القضيه
*******************
شكثر كلبي اعله بنت الناس يرحن
اتـدلل والــدلال اراده يرحن
خـالاتي وخـواتي دوم يرحن
لـمهـه وما اظن امها اعربيه
*******************
الحقيقة ليش يا هالناس تـنـزاف
وتظل جروحها للدوم تـنـزاف
بت العم لعد للغير تـنـزاف
وابن العم يلوج من الاذيه

تحياتي لكم

يسلمو ايديك اخي المهندس يعطيك الف عافية ...

» زهيرية : احبك وستحي من اهلك