منتديات بالميرا
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


منتدى ثقافي منوع له نكهة خاصة
 
الرئيسيةاليوميةس .و .جالمجموعاتالتسجيلدخولالتسجيل
** أسرة منتديات بالميرا ترحب بجميع الأعضاء والزوار وتتمنى لهم الفائدة وأمتع الأوقات **

شاطر | 
 

 علم القراصنة ؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
majroo7
نائب المدير العام
نائب المدير العام
avatar


عدد المساهمات : 430
تاريخ التسجيل : 11/01/2011
ذكر العمر : 51

مُساهمةموضوع: علم القراصنة ؟؟؟   الثلاثاء فبراير 01, 2011 8:22 pm

العلم هذا صار أشهر من نار على علم… ها؟

تصميم العلم باللون الأسود وعليه جمجمة وعظمتين مسوين X، شنو تاريخه وواقعيته؟

تاريخياً أول وصف للعلم بتصميم العظمتين يرجع لسنة 1687 واستخدموه في البر، مو البحر.

معروف بإسم جولي روجر – Jolly Roger واذا نبي نترجمه حرفياً بالعربي يصير معناه “روجر المستانس ” أو “روجر المْكيّف ” بس منو روجر هذا؟ وليش يقولون مستانس؟ الله أعلم محد يدري وفي نظريات وايد بس مو أكيده عن أصل المسمى.

أكثر نظرية شفتها معقولة كانت في الجانب اللغوي من التسمية، ببريطانيا يسمون الشيطان Old Roger، وبطبيعة القراصنة الشيطونية والعبيطة نوعاً ما سموا علمهم Jolly Roger يعني الشيطان المستانس ، وهو اللي يمثل انعكاس حق طريقتهم وحياتهم اليومية من الشطانة والعبط.

منو سمّى العلم بهالاسم؟

الـتــســمية (مو الشكل) ترجع للكابتن تشارلز جونسون – Charles Johnson في كتابه التاريخ الشامل للقراصنة – A General History of the Pyrates اللي كتبه سنة 1724م، الكابتن هذا غريب مادري شسالفته محد يعرف منو هو بالضبط ولا قادرين يلقون اسمه ضمن الكباتن المشهورين أيامها بس المهم كتابه أقشر.

المفهوم من كتابه ان التسمية كانت حق أي علم للقراصنة، مو بس اللي بوجمجمة وعظمتين.

يعني القراصنة كانوا يستخدمون أعلام مختلفة؟

عشّون عيل! نفس النوادي الرياضية مثل العربي والقادسية كل واحد له شعار يميزه.

هذي مجموعة من تصاميم أعلام القراصنة اللي مسجلين استخدموها خلال الفترة ما بين 1693 إلى 1724:



زين عيل كانوا يستخدمون هالعلم وتصاميمه الثانية صج؟

الظاهر اي، بس هااااا! ما كانوا رافعين أعلامهم طول الوقت الشباب ما كانوا يبون العالم يدري انهم حرامية 24 ساعة! دايماً يرفعون أعلام مزيفة بس وقت اللزوم والهجوم يرفعون علم القراصنة الرسمي مالهم.

أحد الأسباب عشان يقتربون من السفن الثانية بدون ما يخرعونهم ويصيدونهم بسرعة، والأسباب الثانية طبعاً أمنية.

بس ما يقربون من السفينة الضحية يرفعون العلم الرسمي لهم مع طلقة تحذير لتخويف الركاب والاستسلام بسرعة، كانوا يفضلون احتلال السفن من غير حرب وخساير، جذي أوفر عليهم وأريح .

واللي ما يستسلم؟

سفينة القراصنة ترفع العلم الأحمر، يعني راح يهاجمون ويذبحون الأوّلي والتالي يقولون معنى العلم الأحمر حرفياً:

“the pirates would give no quarter to resisters”

إذا السفينة الضحية ما ميّزتهم انهم قراصنة راح يكون عبالهم هذي سفينة حكومية أو عسكرية وعندهم قوانين يتعاملون فيها مع الأسرى ويقولون عادي ما عليه خل يمسكونا عالأقل ما نداوم جم يوم وناكل ببلاش

بس إذا ميّزوهم انهم قراصنة راح يقولون لا يبه هذيل ناس ما يتفاهمون يذبحون مثل شرب الماي ويسلمون روحهم يمه ارحميني.

شكو تصميم الجمجمة والعظام اللي اشتهر بين كل هذيل؟

هوليووود مالت على هوليووود اقوووول التصميم ياز لهم وقزروها علينا.

وشنو معنى الجمجمة والعظمتين؟

رمز للموت والشدة في الحرب.

اليوم في أحد يستخدم هالعلم بصورة فعلية؟

اي في الجانب العسكري وخصوصاً الغواصات بسبب طبيعتها الجاسوسية وعملها السري الغير قانوني في المهام الرسمية.

معلومات سريعة قرصانية:

1- القراصنة تاريخياً ما كانوا همج وخبول يدورون بالبحر، كانوا عاقلين وعندهم نظام ديمقراطي في الحكم والترشيح والتصويت والتفاصيل عجيبة في هالجانب وغالباً لما يستولون على سفينة قراصنة ثانية يحبون يصير انضمام بينهم عشان يصيرون أقوى.

2- يقولون ربطة العين هذي اشتهرت عند البحّارة أيام أول مو لأنهم كلهم مبطوطة عيونهم كانوا يحطونها حتى لو عيونهم سليمة بس عشان كل شوي ينزلون بطن السفينة والمكان ظلمة يرفعون الربطة وعيونهم تقدر تشوف عدل، يعني عينهم المصكرة بالربطة تكون متعودة عالظلام وما تاخذ وقت علما تتعود وتشوف الدرب.

3- تاريخ 19 سبتمبر يعتبرونه “يوم الكلام مثل القراصنة” – Talk Like A Pirate Day، هار هار هار هااارررر

4- ثلاث أرباع سوالف القراصنة اللي متعودين نشوفها بالأفلام أو نقراها بالقصص ماخذينها من القصة المشهورة جزيرة الكنز لكاتبها روبرت لويس ستيفنسون – Robert Louis Stevenson بما فيها طريقة كلام القراصنة ولبسهم والببغاء على الكتف والقدم الخشبية والخريطة … الخ، يعني معظم هالحركات والسوالف مالها دليل تاريخي قوي.

وسلامتكم


الرجوع الى أعلى الصفحة اذهب الى الأسفل
http://palmyra.syriaforums.net/
الريم اللعوب
عضو نشيط
عضو نشيط
avatar


عدد المساهمات : 146
تاريخ التسجيل : 24/01/2011
انثى

مُساهمةموضوع: رد: علم القراصنة ؟؟؟   الأربعاء فبراير 23, 2011 5:27 pm



الله الله يامجروح انت شمعة المنتدى موضوع روعه الله يعطيك العافية


الرجوع الى أعلى الصفحة اذهب الى الأسفل
سحر الشرق
مشرفة عالم المرأة
مشرفة عالم المرأة
avatar


عدد المساهمات : 168
تاريخ التسجيل : 11/01/2011
انثى العمر : 29

مُساهمةموضوع: رد: علم القراصنة ؟؟؟   الخميس فبراير 24, 2011 6:24 pm




موضوع حلو ومعلومات جديدة الله يعطيك العافية مجروح تسلم ايدك














تلعب بإحساسي يا ليت أتذكر
أني بشـر وإحساس ما يلعبوا بـه

لكـن قلبي بـك لوحـدك تـأثّر
وروحي على حبّك أراها مغصوبه

الرجوع الى أعلى الصفحة اذهب الى الأسفل
مدحت عزالدين
مشرف
مشرف
avatar




عدد المساهمات : 1078
تاريخ التسجيل : 19/02/2011
ذكر العمر : 45

مُساهمةموضوع: رد: علم القراصنة ؟؟؟   الخميس فبراير 24, 2011 8:26 pm






كيف لي ان اصفك

مواضيعك لوحة ولنت الرسام فيها
نعم ابدع وارينا ابداعاتك
فالفرشاة معك












الرجوع الى أعلى الصفحة اذهب الى الأسفل
الصقر
مشرف
مشرف
avatar


عدد المساهمات : 181
تاريخ التسجيل : 21/01/2011
ذكر العمر : 33
الموقع : منتدى

مُساهمةموضوع: رد: علم القراصنة ؟؟؟   الجمعة فبراير 25, 2011 12:56 pm

تسلم على طول تحفنا من ما عندك


الرجوع الى أعلى الصفحة اذهب الى الأسفل
majroo7
نائب المدير العام
نائب المدير العام
avatar


عدد المساهمات : 430
تاريخ التسجيل : 11/01/2011
ذكر العمر : 51

مُساهمةموضوع: رد: علم القراصنة ؟؟؟   السبت فبراير 26, 2011 2:43 am




اخواني واخواتي بكم تكون المواضيع جميلة وبتشجيعكم يكون المنتدى ناجحا شكرا لكل من رد على موضوعي ...




الرجوع الى أعلى الصفحة اذهب الى الأسفل
http://palmyra.syriaforums.net/
 
علم القراصنة ؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بالميرا :: 
منتدى المواضيع العامة
 :: قسم المواضيع العامه
-
انتقل الى: