مدحت عزالدين مشرف
عدد المساهمات : 1078 تاريخ التسجيل : 19/02/2011 العمر : 52
| موضوع: يا "ربلة" ضيعتي الــ كلّك لطافي الخميس مارس 17, 2011 4:44 pm | |
|
يا "ربلة" ضيعتي الــ كلّك لطافي
********************
يا "ربلة" ضيعتي الــ كلّك لطافي
عطاكي الرب من عندو العوافي
خلقلك نهر قبل الأبجديّي
بلّش بالصخر ينحت قوافي
وهناك "الشروقي"
يا رب دخلك كفى حاجي عذابي تزيد
قلبي جريح الهوى وما أصعب علاجو
ما زال ولفي الحلو بيضل عنّي بعيد
بيبقى حنيني أنا مستنفرة مواجو
و"القرّادة"
لا تروحي عني لبعيد قلبي بيخاف عليكي
ما بيشعر بليالي العيد إلاّ بلمسة إيديكي
و"الموشّح"
الريشة بدمعة عينيكي
تكتب وتقول
اشتاقت مدرستك ليكي
وحن المريول
و"العتابا"
نحنا كتابكم لما درسنا
تعذب قلبنا وسوّس ضرسنا
أكلتوا الحصرم ونحنا ضرّسنا
وصرتوا تحاكمونا ع السبب
و"الميجانا"
دخلك عليّ ليش إنتي حاملي
بقلبك يا ليلى وسيف ماضي حاملي
نسر البلاغة والمعنّى حاملي
وقّف ع إيدي وصار يكسّر ميجانا
***************
| |
|
majroo7 نائب المدير العام
عدد المساهمات : 430 تاريخ التسجيل : 11/01/2011 العمر : 58
| موضوع: رد: يا "ربلة" ضيعتي الــ كلّك لطافي الجمعة مارس 18, 2011 11:22 am | |
| | |
|